धाराशिव, (माध्यम कक्ष) लोकसभा सार्वत्रिक निवडणूकीचा कार्यक्रम भारत निवडणूक आयोगाने 16 मार्च रोजी घोषित केला आहे.तिसऱ्या टप्प्यात 40-उस्मानाबाद लोकसभा मतदारसंघासाठी 7 मे रोजी मतदान होणार आहे.नामनिर्देशनपत्र दाखल करण्याची प्रक्रिया 12 एप्रिलपासून सुरु झाली असून 19 एप्रिल हा नामांकनपत्रे दाखल करण्याचा शेवटचा दिवस आहे.उमेदवाराने दाखल केलेले शपथपत्र व प्रतिशपथपत्र नागरिकांना पाहण्यासाठी उपलब्ध राहणार आहे.
उमेदवारांचे नामनिर्देशनपत्रासोबत दाखल होणारे शपथपत्र व प्रतिशपथपत्र जिल्हा निवडणूक अधिकारी यांच्या कार्यालयाच्या नोटीस बोर्डवर तसेच भारत निवडणूक आयोगाच्या https://affidavit.eci.gov.in या संकेतस्थळावर नागरीकांना पाहण्यास उपलब्ध राहणार असल्याचे जिल्हा निवडणूक अधिकारी, धाराशिव यांनी कळविले आहे.